Sesorah (Pidato Bahasa Jawa)

Upacara Tradhisi Sedhekah Laut

Assalamualaikum Wr.Wb

            Ibu Sri Kustanti S.Pd. ingkang kinurmatan lan rencang-rencang ingkang kula tresnani. Puji syukur saha agunging panuwun mangga kita konjukaken dhumateng Gusti ingkang Maha Agung, awit saking rahmat saha berkahipun kita saged makempal ing papan menika saperlu ngawontenaken sesorah bab “Upacara Tradisi Sedhekah Laut”.

            Ibu guru ingkang kula urmati saha rencang-rencang ingkang kula tresnani

            Pengetan sedhekah laut minangka tradhisi masyarakat kota Tegal utamane para nelayan kang manggon ing Pesisir Pantai Lor. Pengetan sedhekah laut inggih menika minangka raos syukur nyuwun berkah lan rezeki saking panenan laut sing saksuwene dados sumber papan pangupajiwa dheweke. Pengetan sedhekah laut sithik-sithike inggih menika wonten 6 endhas kebo kangge sesaji kang dihias kangge umah adat kang digowo bareng-bareng migunakake baito menyang tengah laut kangge dilarung utawa dikeremake. Pengetan larung sesaji minangka tradisi sedhekah laut sing dianakake saben taun ing wulan Muharram lan disubya-subya ngangge maneka warna kesenian umpamane balo-balo, rolasan, jaipongan, wayang golek, lsp.

            Kejaba minangka raos syukur katur Gusti Allah kang diparingake tradisi sedhekah laut minangka pakumpulane masyarakat bareng-bareng kangge mbuktikake kerukunane para nelayan sebab para masyarakat arang-arang bisa ketemu lan bisa kumpul bareng-bareng. Pengetan sedhekah laut biasane dianakake sajroning kalih dinten kangge panglipur masyarakat kabeh. Sedinten saderengipun pengetan sedhekah laut para masyarakat nelayan pada nggawa ancak kangge miwiti pengetan sedhekah laut kasebut kanthi cara ancak kang isi endhas kebo diarak ngangge baito nganti tumeka ing Pelabuhan. Arak-arakan ancak kasebut minangka urut-urutaning tradhisi sedhekah laut kang ngawujudake raos syukur dhumateng Gusti Allah kang Murbeng dumadi.

            Dados dhudhutanipun yaiku pengetan sedhekah laut minangka raos syukur marang Gusti Allah kang Maha Kuasa amargi kaparingan rezeki saka segara kang sampun dados sumber pangupajiwa saben dintene.

            Ibu guru ingkang kula urmati saha rencang-rencang ingkang kula tresnani

            Ing pangajab, kita minangka generasi muda sumangga nglestarikaken tradhisi sedhekah laut lan kabudayaan Jawa liyane supados mboten kasingkir dening jaman ingkang modern iki.

            Ibu guru ingkang kula urmati saha rencang-rencang ingkang kula tresnani   Kula kinten cekap semanten atur kula mbokbilih wonten klenta-klentunipun atur kula nyuwun agunging pangapunten. Nuwun

Wassalamualaikum Wr.Wb